Mesfushori i Kombëtares shqiptare, Kamer Qaka është një nga futbollistët më të kërkuar në merkato. Listës së gjatë të klubeve që kërkojnë shërbimet e 22-vjeçarit shqiptar i janë shtuar edhe dy klube të tjera. Sipas zyrtare të Poli Iasit, ekipet spanjolle Las Palmas dhe Girona janë të interesuara për shërbimet e mesfushorit shqiptar.
Presidenti rumun deklaroi në një intervistë para disa ditësh se nuk dëshironte ta linte të lirë Qakën, nën një milion euro, por duke parë interesin e madh të skuadrave Europiane, është e mundur që kërkesat financiare të rriten.
Kujtojmë që për mesfushorin shqiptar më parë janë interesuar edhe 2 klubet italiane Benevento dhe Sampdoria./Panorama
