Aktorja e madhe shqiptare Hajrie Rondo u nda nga jeta në moshën 66-vjeçare pas një sëmundjeje të rëndë. Pak kohë më parë ajo u shfaq në media teksa u nderua nga kryebashkiuaku i Tiranës me titullin “Simboli i Qytetit”. Ajo dha një mesazh prekës teksa sfidoi hapur sëmundjen. Ja mesazhi i saj i fundit publik:
“Faleminderit që kontributi dhe jeta ime ka qenë në vëmendjen tuaj.
Kur më bënë ofertën, zonjushat e nderuara, drejtoresha dhe Sonila, isha në dilemë: Do rri në shtëpi të mbyllem e të bashkëbisedoj me sëmundjen apo t’i them… def, ik tutje se kam pak punë. Zgjodha këtë të dytën dhe ia dola.
Me këtë rol le të kontribuoj pak, meqë është edhe muaji kundër kancerit të gjirit për t’iu thënë grave shqiptare të bëhen të forta. Jeta është e bukur dhe duhet mbajtur fort, me dhëmbë”, thotë aktorja e madhe ndërsa ka recituar edhe disa vargje të mrekullueshme si një mesazh për jetën. Ai moment ishte edhe dalja e saj e fundit në publik./a.m.
