Të enjten, zv.ministri i Jashtëm kinez Le Yucheng mbajti një fjalim në aktivitetin në internet “Auditori në epokën e re”, me titull “Marrëdhëniet kino-amerikane në epokën e re”.
Le Yucheng-u u shpreh se në vitin e ri, edhe marrëdhëniet kino-amerikane duhet të shfaqin një pamje të re. Në fjalimin në ceremoninë e marrjes së detyrës, presidenti amerikan Joe Biden i bëri thirrje disa herë popullit amerikan të bashkohet dhe të mos përçahet. Ky është pikërisht qëndrimi i nevojshëm në trajtimin e marrëdhënieve midis Kinës e SHBA-së.
Le Yucheng-u theksoi se, si dy fuqi të mëdha në botë, Kina e ShBA-ja duhet të bashkëpunojnë dhe jo t’i kundërvihen njëra-tjetrës. Ai përdori katër fjalë për të përshkruar pritshmërinë ndaj zhvillimit të marrëdhënieve kino-amerikane: respekt, ndryshim, rifillim, përgjegjësi.
Zv.ministri Le vuri në dukje se tani më e rëndësishmja është që të ndreqet kursi i zhvillimit të marrëdhënieve dypalëshe. Dy vendet mund të hedhin së pari një hap të vogël duke arritur gradualisht konsensus, për të krijuar kushtet për përmirësimin e marrëdhënieve. Kina e ShBA-ja duhet të veprojnë menjëherë për të nxitur kthimin e marrëdhënieve dypalëshe në rrugën e duhur. Midis Kinës e ShBA-së ka mosmarrëveshje, por interesat e përbashkëta dhe nevojat e bashkëpunimi janë më të mëdha. Parandalimi e kontrolli i epidemisë, rimëkëmbja ekonomike dhe ndryshimi i klimës mund të jenë temat kryesore të bashkëpunimit kino-amerikan në etapën e ardhshme.
Le Yucheng-u shtoi se Kina e ShBA-ja janë dy vende kryesore të botës dhe mbajnë përgjegjësi të madhe për paqen e zhvillimin botëror. Faktet kanë vërtetuar se bashkëpunimi dypalësh është në të mirë të të dy vendeve e të botës dhe mund të arrijë objektiva të ndryshme.
