Analisti Lubonja i ftuar ne “news 24”, është i mendimit që i gjithë fjalimi ishte “hiprokrizi”, duke shtuar, se PS e tanishme, me atë të drejtuar nga Nano, i bashkon korrupsioni.
Ai e ka cilesuar mesazhin e liderit historik te PS drejtuar kongresit, nje hipokrizi, ndersa thote se ishte me nje regji qendrore!
“Mesazhi i tij është hipokrizi. Ai nuk është aq budalla sa nuk shikon ç’po ndodh në Shqipëri. Në kohën që ai ka qeverisur, ka pasur më shumë fraksione dhe mendime ndryshëm brenda partisë. Por ka pasur dhe gjërat e përbashkëta, korrupsioni. Kjo e fundit është një bashkëfajësi e madhe, e kësaj partie, ku askush nuk del dot. Nuk mbahet më pushteti me burgje, kampe, polici.
Mbahet me disa mjete të tjerë. Mjeti kryesor është kontrolli i ekonomisë, i bizneseve, edhe kriminaleve nga kjo parti. Nano është brenda, sa në qendër është se di, por di që është brenda. Pjesa tjetër është propaganda, e cila është e trashëguar.
Edhe këtu duhet propaganda, e në këtë aspekt Nano bëhet pjesë e propagandës, ku interesat mbulohen me propagandë, për t’i thënë njerëzve që kemi sukses. Në këtë aspekt, ‘vrasja’ s’ka ndodhur si pushtet. Vrasja e atit, është kur t’i ndryshon vetë dhe ai është thelbi. Kur ndryshon kutlura. Kur e përsërit, nuk e ke vrarë, është e tillë në të gjitha aspektet.
Me tej Lubonja nenvizon se “Ka një kuptim metaforik kjo dhe ta analizojmë këtë që ndodh në këtë metaforë. Religjonet kanë lindur nga një vrasje e atit. Një ditë këta vendosën të vrasin babain dhe e vrasin. I hanë edhe mishin, sepse ka qenë kanibalizëm dhe pasi e vranë vendosën totemet dhe tabutë, vendosën rregulla të reja. Nuk mund të shkosh me gruan e vëllait, të gjitha ato që janë krijimi i një shoqërie civilizimet. Në këtë kuptim, këtu bëhet fjalë a e ka vrarë ky atin apo jo? Në këtë kuptim.
Ai tha e gjeta të rilindur për Nanon, e ka gjetur me të vërtetë, por te i njëjti at. Nuk është më ati që vendos gjithçka, por kemi një vazhdimësi të liderit absolut që vendos gjithçka. Kur themi partia, nënkuptojmë Leninin, e kur themi Lenini nënkuptohet partia. Në regjime është autoritarizëm, nazistët dhe komunizmat kanë qenë në këtë mendësi.
Prova u dha dhe njerëzimi u kthye te demokracia. Jemi ende në një fasadë që shtiremi si demokratë, por në Kongres, pashë që koha e shkuar dukej si aksidente në atë kulturë. Nano tha që janë të gjithë 30 vjeç. Këta janë 81 vjeç. Këta janë 80 vjeç kulturalisht, jemi mbrapa në këtë kulturë”.
