Për futbollin italian, afrimi i Cristiano Ronaldos te Juventusi është padyshim trasnferimi i shekullit. Zyrtarizmi ka ardhur pasditen e kësaj të marte përmes një komunikate nga klubi i Realit të Madridit.
Ndërkohë, lidhur me transferimin te Juventusi ka ardhur edhe reagimi i Cristiano Ronaldos.
Ylli portugez, teksa i shpreh falenderimet gjithë stafit, dhe veçanërisht tifozëve të Realit, ai u kërkon veçanërisht këtyre të fundit “ta kuptojnë” për vendimin që ka marrë.
“Këto vite tek Reali i Madridit, dhe në këtë qytet, ishin ndoshta më të lumturat të jetës sime. Kam vetëm vlerësim maksimal për këtë klub, dhe për këtë qytet. Ju falenderoj të gjithëve për dashurinë dhe afeksionin që kam marrë. Sidoqoftë, mendoj se është koha të hap një fazë të re në jetën time, dhe prandaj i kërkova klubit të pranojë largimin tim. I kërkoj të gjithëve, në veçanti tifozëve të më kuptojnë. Ato kanë qenë të mrekullueshëm për 9 vite. Kanë qenë 9 vite unik. Ishte një moment emocional për mua, plot me konsideratë por edhe të vështirë sepse Reali i Madridit është një klub shumë kërkues”, shkruan Ronaldo./a.m.
