Sipërmarrësi dhe biznesmeni, Gjergj Luca, ka folur për projektin më të ri të tij, që e konsideron çelësin për të bërë gjëra ndryshe për Shqipërinë, pasi këto investime do të sjellin para për vendin.
Sipërmarrësi do të ndërtojë një tjetër “Rozafa” në ish-Kombinatin e Sheqerit në Maliq.
Portën hyrëse të këtij “qyteti të ri” që po ndërtohet nga sipërmarrësi, Gjergj Luca ka vendosur ta quajë “Porta e Nastradinit”
Në një rrëfim për gazetaren Suela Demiri, biznesmeni i njohur, se një partizan i zjarrtë i “Open Ballkan”, ka zbuluar detajin se çfarë e lidh këtë projekt me emrin e portës hyrëse.
“Dera e Nastradinit përfaqëson në mënyrën më dinjitoze Ballkanin, sepse Porta e Nastradinit po ta shohësh në Turqi është një portë e madhe si kjo me dyer, me hekura të mëdha dhe rrumbullak nuk ka gardh është e hapur.
Kjo ka qenë Shqipëria jonë për 30 vjet. Kanë vënë emrin, kanë vënë një portë hyrëse dhe komplet gardhin që ia vunë për aq vjet e shkatërruan dhe kemi mbetur pa gardh.
Tani sa filluan të hapin tregun për të bërë “Open Ballkan”, thanë, gardhe, ku janë gardhet, vini gardhet. Çfarë gardhesh të vëmë? Ne po bëjmë treg, po bëjmë biznes. Kështu kjo të quhet Porta e Nastradinit.
Flamuri i parë do të jetë I vëllezërve turq dhe do të vazhdojnë me radhë, Greqi, Maqedonia, e Veriut, Kosova , Mali I Zi, Serbia e githë Ballkani dhe në fund fare do të mbyllet me komunitetin europian. Një partizan i zjartë i Open Ballkan”, ka zbuluar biznesmeni Gjergj Luca./m.j
