Famitr Xhafaj ka komentuar rezultatet e operacionit të policisë që ka nisur dy muaj më parë.
Përmes rrjetit Twitter, ministri i Brendshëm që qëndron ende në detyrë, shkruan:
“Forca e Ligjit në Territor në veprim pro aktiv goditës. Operacioni “Ndëshkimi i ‘të fortëve” është në rrugën e tij të suksesit. Në 7 ditë, mbi 50 persona u arrestuan, në 6 javë mbi 390 vetë në pranga! Rezultate që flasin vetë. Shifra sa për 1000 fjalë
Daullexhinjtë avazin. Ky operacion i ri që ideuam e realizuam në këto 2 muaj s’është show a ‘betejë’ në rrjete sociale, por përballje reale me krimin.
Janë me fakte e emra konkretë ‘të fortësh’ që përballen me drejtësinë. Dëshmi e qartë e autoritetit të shtetit dhe e Policisë #ForcaeLigjitnëTerritor”
Fatmir Xhafaj pritet të largohet nga detyra ditën e nesërme, pas seancës së Kuvendit për të votuar dorëheqjen e tij.
Me marrjen e detyrës, Xhafaj ka qenë tepër aktiv në rrjetet sociale, aty ku sot mesa duket ka zgjedhur të komentojë për herë të fundit si ministër bilancin e “Forcës së Ligjit” të nisur prej tij.
/JavaNews/b.d
