Një tjetër efektiv I FNSH-së, një shitëse në një furrë buke dhe një pacient i spitalit janë tre rastet e reja të të infektuarve në Shkodër.
Sot u regjistruan 22 raste të reja me koronavirus në vendin tonë, duke e çuar në 584 numrin e përgjithshëm të infeksioneve.
Rreth 30 mostra të reja në spitalin Rajonal të Shkodrës të cilat janë dërguar për ekzaminim në Tiranë. Monstra të tjera janë marrë edhe tek forcat e Ndërhyrjes së Shpejtë dhe tek familjarët e të infektuarve. Ky është rasti i dytë në radhët e FNSH-së që infektohet me COVID-19 pasi edhe dje u zbulua një efektiv i prekur.
Në total, numri i të infektuarve në Shkodër ka shkuar në 99, ku 8 prej tyre janë personel shëndetësor.
Ndërkohë rëndohet situata në fasoneri, 17 raste të reja me Covid në Krujë e Kurbin
Ministria e Shendetësisë konfirmoi se harta e të prekurve nga COVID-19 sot u zgjerua në Kurbin, Krujë, Shkodër dhe Tiranë.
Shpërndarja gjeografike e rasteve pozitive, është si vijon:
– Tiranë 253 raste
– Durrës 42 raste
– Lushnje 6 raste
– Elbasan 16 raste
– Fier 36 raste
– Kavajë 9 raste
– Rrogozhinë 4 raste
– Korçë 19 raste
– Vlorë 5 raste
– Shkodër 99 raste
– Lezhë 14 raste
– Berat 2 raste
– Has 13 raste
– Krujë 23 raste
-Tropojë 4 raste
– Pukë 5 raste
– Mirditë 3 raste
– Kukës 11 rast
-Mallakastër 1 raste
– Kurbin 19 raste
g.kosovari
