14 ditë pas tërmetit tragjik që goditi vendin duke lënë 51 të vdekur, mbi një mijë të plagosur dhe shumë dëme materiale, prokuroritë në Tiranë, Durrës, Krujë dhe në Lezhë vijojnë hetimet, ndërsa Shqiptarja.com shkruan se prej ditës së djeshme janë marrë në pyetje kolauduesit dhe ndërtuesit.
Sipas mediave informative, ka shumë mundësi që brenda kësaj jave apo maksimumi javën tjetër mund të ketë arrestime.
Prokurorët kanë sekuestruar të gjitha dosjet e ndërtimit të objekteve që janë shembur bashkë me provat në vendin e ngjarjes.
Kryeministri Edi Rama pak ditë më parë deklaroi se janë 60 firma ndërtimi që po hetohen, ndërsa Prokurori i ri i Përgjithshëm Olsian Çela në një vizitë në qytetin bregdetar deklaroi se njerëzit presin drejtësi.
“Shumë shpejt do të ketë rezultate të prekshme, do mbajnë përgjegjësi maksimale qoftë zyrtarë e ndërtues”, tha ai për mediat. /e.s/
