Nëntë persona, duke përfshirë tetë fëmijë, të gjithë refugjatë sirianë, vdiqën pasi flakët përfshinë një apartament në provincën veriperëndimore turke të Bursës.
Viktimat u identifikuan si nënë dhe gjashtë fëmijët e saj dhe dy mbesat, të cilat ndodheshin përkohësisht në banesë në momentin e rënies së zjarrit.
Shkaku i zjarrit nuk është i qartë, por gjetjet fillestare tregojnë se flakët e nisura nga një sobë brenda banesës u përhapën me shpejtësi në të gjithë shtëpinë.
Sipas autoriteteve viktimat vdiqën si pasojë e asfiksisë.
Kryebashkiaku i Bursës, Alinur Aktaş, u tha gazetarëve se fëmijët që vdiqën nga zjarri ishin nga mosha një deri në njëmbëdhjetë vjeç.
“Ata ndoshta ishin duke fjetur në momentin e zjarrit sepse duket se nuk mund të shpëtonin shpejt . Shumica prej tyre ishin në shtretërit e tyre,” tha ai, shkruajnë mediat e huaja.
/s.f
