Gjermania duket se po tregohet vendi më tolerant ndaj emigrantëve. Pak ditë më parë, kryeministri britanik Deivid Kamerun deklaroi se Mbretëria e Bashkuar nuk do të pranojë asnjë emigrant, por i menjëhershëm ka qenë reagimi i kancelares gjermane, e cila I ka bërë thirrje vendeve të mëdha që të jenë të përgatitura për të pranuar më shumë azilkërkues.
Merkel ka kërkuar një system të ri nga BE, sipas të cilit azilantët të shpërndahen në shtetet evropiane sipas fuqisë ekonomike dhe popullsisë.
Deklarata e Angela Merkel vjen në një kohë kur vendet e unionit po përballen me një krizë të madhe sa i përket numrit gjithnjë e në rritje të kërkesave për azil.
“Rregullat e Dublinit kanë nevojë të ndryshohen. Pesë shtete anëtare përbëjnë tre të katërtat e të gjithë azilkërkuesve” – tha Merkel duke folur në Bremen.
Sipas OKB-së, në vitin 2014 Gjermania ka marrë 174 mijë aplikime për azil, dy herë më shumë se çdo vend tjetër i BE-së.
