Kancelarja gjermane, Angela Merkel deklaroi sot se është rënë dakort për pjesën më të madhe të kontigjentit të refugjatëve që kanë mbërritur në Gjermani se do të kthehen në vendet e tyre të origjinës, respektivisht për një periudhë afatmesme, sapo të mbizotërojë paqja në vendin e të ardhurve nga Siria.
“Ne shpresojmë që me vendosjen e rendit dhe paqes refugjatët do të kthehen në Siri, kur organizata e Shtetit Islamik do të rezultojë e humbur në Irak, ata do të kthehen në vendin e lindjes, plot shpresë të përftuar nga vendi ynë”, u shpreh kancelarja gjatë një kongresi në degën rajonale të partisë konservatore CDU-së, deklaratat e së cilës u publikuan nga agjencia e lajmeve DPA.
Kancelarja, e cila u hapi dyert vitin e kaluar një kontigjenti të paprecedentë azilkërkuesish, është bërë shpeshherë shënjestër e kritikave për këtë vijë të ndjekur prej saj, duke iu referuar refugjatëve të ardhur nga ish-Jugosllavia në vitet 90, shumica e cilëve rreth 70 për qind u kthyen në vendin e origjinës pas përfundimit të akteve të dhunës në vendet e tyre.
