Angela Merkel nuk është vetëm lidere e Gjermanisë dhe Bashkimit Evropian, por edhe një grua stoike e cila shembullin e saj e jep si brenda parlamentit ashtu edhe jashtë tij. Siç bën të ditur gazeta gjermane “Bild”, për të shtatin vit radhazi, kancelarja gjermane së bashku me bashkëshortin e saj Joachim Sauer i bën pushimet e saj në Tirolin e Jugut, provincën autonome italiane.
61 vjeçarja pushon rregullisht në të njëjtin hotel me katër yje në fshatin me 400 banorë, në të njëjtën dhomë, dhe me të njëjtën pamje në drejtim të dy majave të larta 3900 metra.
Po ashtu rdhe ekskursionet dhe shëtitjet janë të njëjtat. Në ngjitjet në mal ata udhëhiqen nga legjenda e alpinizmit, Reinhold Messner.
Tani kancelarja gjermane ka dy javë pushim për të marrë veten nga kriza greke dhe kaosi me azilantët, për t’u rikthyer sërish në mes të gushtit në Berlin.
