Kancelarja gjermane, Angela Merkel, mbështeti sërish marrëveshjen e tregtisë së lirë TTIP mes SHBA-së dhe BE-së, të kontestuar nga vetë qeveria e saj dhe Franca, në një intervistë të publikuar sot.
“Është në interesin tonë që të mos jemi mbrapa rajoneve të tejra të botës, si për shembull rajoni aziatik që e ka arritur tashmë një marrëveshje me SHBA-në”, deklaroi kancelarja konservatore në radion rajonale NDR.
“Mendoj se një marrëveshje e tillë ofron shance për krijimin e punësimit për ne dhe ne kemi nevojë për punë në mënyrë urgjente në Evropë”, theksoi ajo.
Negociatat mbi TTIP-në, shumë të kritikuara nga opinionet publike, u goditën këtë javë pasi u kontestuan nga Franca dhe zëvendëskancelari gjerman./a.m.
