Kancelarja gjermane, Angela Merkel, ka kritikuar ndalesën e re të udhëtimit të vendosur nga SHBA-të për shtatë vende me shumicë myslimane, raportoi të dielën gazeta gjermane “Der Spiegel” në versionin online.
“Ajo është e bindur se edhe beteja e domosdoshme dhe vendimtare kundër terrorizmit nuk e arsyeton vënien e njerëzve me prejardhje apo besim specifik nën dyshim të përgjithshëm”, ka thënë zëdhënësi i Merkelit, Steffen Seibert, transmeton Koha.net.
Presidenti amerikan, Donald Trump, të premten urdhëroi ndalesë katër-mujore ndaj refugjatëve të nisur për në SHBA si dhe ndalesë të përkohshme ndaj udhëtarëve nga Siria dhe nga gjashtë vende tjera me shumicë myslimane, raporton Reuters.
Këtë vendim, megjithatë, e rrëzoi një gjykatë në Neë York, ndërsa vendimi i ri do të jetë në fuqi deri në seancën e radhës, të planifikuar për 21 shkurt, dhe vlen për njerëzit me viza të vlefshme si dhe për të gjithë ata të cilëve u është miratuar kërkesa e refugjatit. (b.an)
