Gjermania është e gatshme të ndihmojë në rrugën e Turqisë drejt procesit të anëtarësimit në BE, ka thënë kancelarja gjermane Angela Merkel të shtunën, duke ia shprehur edhe përkrahjen Ankarasë në raport me valën e madhe të refugjatëve në Evropë.
“Si mund ta organizojmë në mënyrë më dinamike procesin e anëtarësimit?” pyeti Merkel në një konferencë të përbashkët me kryeministrin turk, Ahmet Davutoglu, raporton Reuters.
“Gjermania është e gatshme që këtë vit të hap Kapitullin e 17-të dhe të bëjë përgatitjet për kapitujt 23 dhe 24. Mund të flasim për detajet”, ka thënë ajo, transmeton Koha.net.
