Një ndër gazetat më prestigjoze ekonomike në Gjermani i ka kushtuar një hapsirë të gjerë vizitës së kancelares Merkel dje në Tiranë, duke bërë dhë një dëshifrim të mesazheve që ndau Merkel dhe Rama për të ardhmen politiko-ekonomike të Shqipërisë dhe mbështetjes që Gjermania po i jep e do t’i ofrojë Shqipërisë.
Ja si shkruan prestigjozja gjermane Handelsblatt:
Drejt një anëtarësimi të mundshëm në BE, Shqipëria mund të gjejë mbështetje te Gjermania. Kancelarja Angela Merkel i vuri në dukje përparimet e mëdha të Shqipërisë, gjatë vizitës së saj në Tiranë.
Tiranë. Kancelarja gjermane, Angela Merkel (CDU) i ka siguruar Shqipërisë mbështetjen e Gjermanisë në rrugën e dëshiruar drejt Bashkimin Evropian. Në një vizitë në kryeqytetin shqiptar,Tiranë, të mërkuren, Merkel vlerësoi përpjekjet e deritanishme të Shqipërisë. “Unë mendoj se tashmë kudo dihetse Shqipëria po bën përparime të mëdha,” tha ajo pas bisedimeve me kryeministrin Edi Rama. Dhe: “Ne jemi duke u përpjekur për të ndihmuar Shqipërinë në këtë mënyrë.”
Perspektiva e anëtarësimit në BE për vendet e Ballkanit është e rëndësishme për paqen dhe stabilitetin në rajon, theksoi më tejMerkel. Eshtë gjithashtu në interesin gjerman që kjo perspektivë e BE-së të realizohet. Shqipëria, një nga vendet më të varfra në Evropë, është shpallur vend kandidat qershorin e 2014, porduhet të luftojë kundër korrupsionit dhe krimit të organizuar.
Kancelarja tha se bashkëpunimi ekonomik gjermano-shqiptar do të mund të forcohet më tej. Përpjekjet e qeverisë shqiptare për tëpatur një sistem të besueshëm ligjor janë veçanërisht tërëndësishme. Mbi situatën e refugjatëve shqiptarë në Gjermani, ajo tha: “Ne jemi dakord se Shqipëria nuk është një vend që i njihen kërkesat per azil.” Por Shqipëria mund të jetë një vend prejt të cilit shumë shqiptare mund të punojnë ligjërisht nëGjermani. Në disa industri në Gjermani ka mungesa tëspecialistëve
Rama tha, se shqiptarët e dinë mjaft mirë që nuk do të kenë të drejtën e azilit në BE. Ishte e rëndësishme që Merkeli shfaqi interes për Shqipërinë dhe gjithashtu i kuptoi përpjekjet dhe vështirësitë që duhet të përballej Shqipëria duke patur parasysh të kaluarn e saj historike. BE-ja ka nevojë për Ballkanin, po aq sa edhe Ballkani ka nevojë për BE-ne.
