Në Paris Motor Show që zhvillohet në fund të muajit shtator, do të prezantohet koncepti i veturës së re nga Mercedes-Benz, që është i tëri elektrik.
Ky model që pritet të vihet në funksion në fund të kësaj dekade, do të ketë kapacitet që nuk është parë më herët, duke arritur deri në 500 kilometra me një mbushje të vetme, transmeton Telegrafi.
Koncepti i kësaj veture, që është i ngjashëm me ato të prodhuesit Tesla, ka bateri të ndërtuar në litium që do të jenë të vendosura në taban, ndërsa aerodinamika dhe pjesa e jashtme, thuhet të jenë shumë premtuese.
Kompania e cila ka deklaruar se brenda dy vitesh, do të shpenzojë shtatë miliardë euro në vetura, ka thënë se do të lansojë disa lloje të modeleve si SUV dhe sedan./a.k.
