Teknologjia bën gjithmonë hapa para dhe kryesorja është se si të ruhemi në rrjetet sociale. Më e fundit është lançimi që bëri Instagram. Këtë të hënë ka dal një opsion të ri që lejon të gjithë përdoruesit të kontrollojnë komentet e postuara në fotot e tyre. Nuk keni më pse të fshini foton për shkak të komenteve që nuk ju pëlqejnë këtë herë mund t’i ndalni ato.
Sipas kësaj risie, të gjithë ata që kanë një llogari në aplikacion, mund të listojnë fjalët të cilat ata i konsiderojnë fyese apo negative – dhe menjëherë pas kësaj ato fjalë do të fshihen nga postimet e tyre.
Për të monitoruar komentet negative mjafton të klikoni “Hide Inappropriate Comments”, dhe më pas të shkruani fjalët te “Custom Keywords”.
Opsioni i ri vjen menjëherë pasi shumë rrjete sociale si Twitter dhe Facebook mbushen me komente abuzive, që kanë detyruar shumë përdorues të çaktivizojnë profilin e tyre si rezultat i “urrejtjes” që marrin online.
