Kryeministri Edi Rama e ka quajtur ofertën e ambasadës rusi si një provokim qesharak, duke shtuar se fillimisht kishte menduar se ishte një “meme”.
“Mendova se ishte një meme për një shtet serioz është krejtësisht e papërshtatshme të bëj provokime të tilla, dhe kur them provokim nuk po i paraprij ndonjë demarshi pranë shtetit rus, sepse ky është një provokim qesharak, dhe nuk është mirë që një vendi serioz si Rusia të bëhet qesharake përmes këtyre postimeve dhe një ambasadë të sillet sikur është një seksion i Portokallisë, apo konkurrent i Portokallisë.
Shpreh keqardhje sepse nuk shoh arsye që ambasada e Rusisë të përfshihet në prodhimin e memeve. Postimi i ambasadës ruse nga ana ime konsiderohet i papërshtatshëm, një ndjesë e ambasadës ruse qoftë edhe për keqkuptimin do të ishte shumë e mirëpritur””, u shpreh kryeministri.
Kreu i qeverisë deklaroi se ne jemi të fokusuar tek vaksinat e Pfizer, AstraZeneca dhe Modernës.
“Shtetet me të cilët ne komunikojmë në BE janë të drejtuara drejt këtyre kompanive. Nuk shprehim rezerva qoftë vaksinën kineze dhe ruse, por për momentin duke parë të tjerë ne jemi fokusohemi në këto drejtime. Nëse do të lindë nevoja ne do të shohim dhe alternativa të tjera”, tha Rama.
g.kosovari
