Menaxheri i përfaqësueses së Kosovës, Bajram Shala, ka folur për mos ardhjen e yjeve të Zvicrës tek përfaqësuesja e Kosovës. Valon Behrami, Granit Xhaka dhe Shani Tarashaj, janë në listën e Zvicrës për ndeshjen me Portugalinë në kuadër të kualifikimeve për Botërorin “Rusia 2018”.
Ndërkohë, Xherdan Shaqiri nuk është ftuar për shkak të lëndimit, por pritet t’i bashkohet Kombëtares zvicerane pas rikuperimit, por ende nuk dihet nëse ka të drejtën të zgjedh Kosovën, pasi kjo varet nga FIFA.Asnjëri prej tyre nuk do të mund të zgjedhë Kosovën, pas takimit të 5 shtatorit.
“Kemi pasur kontakte me familjarët e tyre dhe agjentët e tyre, por kemi pasur kontakte edhe direkt me lojtarët, për mundësinë që ata t’i bashkohen projektit tonë. Arsyet janë të ndryshme pse ata nuk janë pjesë e Kosovës”, u shpreh Shala për Gazeta Olle, pa dashur të sqarojë më shumë, citon Koha. (b.an)
