Kryeministrja italiane, Giorgia Meloni vizitoi sot në spital papa Françeskun, ku po trajtohet për pneumoni.
Sipas një deklarate, Meloni i uroi papës, 88 vjeç një shërim të shpejtë në emër të qeverisë së saj dhe të gjithë Italisë.
“Papa Françesku ishte zgjuar dhe vigjilent”, sipas Melonit.
Politikania e krahut të djathtë, Meloni është takuar me papa Françeskun në disa raste – që kur mori detyrën në tetor 2022.
“Si gjithmonë, ne bëmë shaka. Ai nuk e ka humbur sensin e humorit”, tha Meloni nga rezidenca e saj në Romë – pas takimit të tyre në klinikë.
Kohëzgjatja e takimit të tyre nuk u bë publike.
Papa Françesku, udhëheqësi i 1,4 miliardë katolikëve në mbarë botën, po trajtohet në një klinikë të Romës që nga e premtja.
Sipas diagnozës, ai vuan nga pneumonia e dyfishtë, që do të thotë se janë prekur të dyja mushkëritë.
Papa Françesku ka qenë në gjendje të keqe shëndetësore për një kohë të gjatë.
