Shtetet e Bashkuara të Amerikës kanë përshëndetur zgjedhjet e zhvilluara ditën e djeshme në Itali, ku fitoi koalicioni i ekstremit të djathtë me në krye Giorgia Meloni.
Me anë të një postimi në Twitter, Sekretari i Shtetit amerikan, Antony Blinken thotë se SHBA mirëpret bashkëpunimin me qeverinë e re.
Blinken theksoi 3 prej çështjeve kryesore të bashkëpunimit: mbështetjen ndaj sovranitetit të Ukrainës, respektimin e të drejtave të njeriut si dhe punën drejt një të ardhme ekonomike më të qëndrueshme.
Postimi i Antony Blinken:
Pas zgjedhjeve ditën e djeshme në Itali, ne mirëpresim bashkëpunimin me qeverinë e re drejt qëllimeve tona të përbashkëta: Mbështetjen e plotë ndaj sovranitetit të Ukrainës, respektimin e të drejtave të njeriut dhe ndërtimin e një të ardhme ekonomike të qëndrueshme. Italia është një aleat shumë i rëndësishëm, me një demokraci të fort.
Partia e Giorgia Melonit, “Vëllezërit e Italisë” mori 26% të votave.
