Meksiko e shpalli dje ambasadorin e Koresë së Veriut në Meksikë “persona non grata”, si pjesë e reagimit të saj ndaj testit të gjashtë bërthamor të Phenianit.
“Qeveria meksikane i ka dhënë 72 orë kohë Kim Hyong Gil për t’u larguar nga vendi”, njoftoi Ministria e Jashtme në një deklaratë.
“Ne absolutisht i kundërshtojmë aktivitetet e fundit bërthamore të Phenianit. Ato shkelin të drejtat ndërkombëtare dhe paraqesin një kërcënim serioz për Azinë dhe botën”, deklaroi Ministria e Jashtme meksikane.
Koreja e Veriut testoi të dielën bombën bërthamore më të fuqishme të vendit deri tani.
“Testi i tyre bërthamor do të përballet me një dënim ndërkombëtar dhe ne bëjmë thirrje për sanksione të mëtejshme kundër Koresë së Veriut”, shtoi Ministria e Jashtme meksikane./b.d
