Ish-presidenti Meidani nuk e përjashton një bashkëqeverisje mes Partisë Socialiste dhe Partisë Demokratike pas zgjedhjeve të 25 qershorit. Ish-presidenti Meidani shprehet qeverisja PS-PD pas zgjedhjeve është e mundshme dhe se koha e tabuve ka përfunduar.
“Deri tani, pavarësisht njëfarë “fshehtësie”, por edhe disa shkeljeve e problemeve me nuancë procedurale dhe ligjore, p.sh. të bllokimit apo eliminimit të koalicioneve me “marifete kohore”, personalisht unë shoh thjesht një marrëveshje për të arritur në zgjedhje normale, me një pjesëmarrje të të gjitha forcave politike dhe elektorateve përkatëse. Përndryshe, si shumë qytetarë të tjerë, edhe unë do ta kisha tepër të vështirë, madje të papranueshme, për të qenë pjesë e atij procesi zgjedhor, si rezultat i të cilit do të ishte një parlament me një superpërfaqësim në një krahë (të një pjese të popullsisë) dhe pa përfaqësim fare, apo me një përfaqësim krejt minimal të krahut tjetër (të një pjese jo të vogël të popullsisë). Kjo është e gjitha”- thotë ai.
Sipas ish-presidentit, ç’do të japë votimi, më 25 qershor, është një çështje krejt tjetër.
“Dhe, natyrisht, pas atij votimi Shqipëria duhet të qeveriset pa zvarritje, në mënyrë normale, kushtetuese e ligjore. E thënë shkurt, pas zgjedhjeve, për mendimin tim, çdo lloj kombinimi në qeverisje është i mundshëm, përfshirë dhe atë PS-PD; por ajo varet shumë edhe nga shpërndarja e votave apo “orekset” politike të drejtuesve kryesorë”- thote ai për “Panorama”.
ma.me
