Kryeshefi i Agjencisë Kadastrale të Kosovës, Murat Meha, ka deklaruar se për shënimin e vijës kufitare me Malin e Zi, Kosova nuk ka humbur asgjë.
Meha, ka deklaruar për Tribuna Channel, se është i bindur se shënimi i vijës kufitare me Malin e Zi është në bazë të dokumentacionit dhe se për këtë ndihet rehat sepse siç thotë ai dokumentacioni është në tavolinë.
Meha ka deklaruar se me shënimin e kësaj vije Kosova nuk ka humbur asgjë.
“Natyrisht që po mos të ishim të bindur dhe po të mos kishte dokumentacion askush nuk do të ndihej rehat , por rehat ndihet gjithmonë kur dokumentacioni është në tavolinë dhe është vërtetuar edhe nga komisionet ndërkombëtare, vendore e të tjerë”, ka thënë ai.
