Kryetari i Partisë Republikane, Fatmir Mediu, është ndalur në takime elektorale në verilindje të vendit ku ka përcjellë mesazhet e tij për banorët e këtyre zonave duke i ftuar të votojnë alternativën e djathtë.
Mediu tha se pazaret politike nuk janë rruga që duhet për të bërë shtet, por këtë e garanton një opozitë me integritet e që ka ofertë konkrete. Nga Kukësi, Mediu ftoi qytetarët të ndëshkojnë pazaret politike që bëhen në dëm të tyre.
Kryerepublikani u ndal edhe në Has në takimet elektorale në këtë zonë, ku gjatë fjalës së tij theksoi se 21 qershori është datë vendimtare për t`i thënë jo të keqes.
Mediu i ftoi banorët e Hasit që të votojnë numrin 13 të Partisë Republikane dhe kandidatët e opozitës në këto zgjedhje.
