I pari që ka folur nga radhët e opozitës në seancën e së hënës, ka qenë Fatmir Mediu.
Ai u shpreh se katër ditë më parë u zhvilluar seanca më e turpshme e trancizionit.
“Kushtetuta nuk ka më vlerë dhe mazhoranca e duartroket këtë rrënim në Parlament. Kryeministri ju ka dhënë vetëm një detyrë, të ulni dhe të ngreni dorën” – tha Mediu.
Ai akuzoi se Rama sot mban dy pozicione, si Enver Hoxha dikur.
Kreu i republikanëve citoi ish-deputeten Arta Dade, duke u shprehur se Rama po i detyron ligjvënësit socialistë të votojnë me kokën ulur çdo ligj.
“Edi Rama është themelues i Rilindjes duke shkatërruar debatin në Partinë Socialiste” – citoi Mediu.
/javanews/a.rada
