Në takimin e ekzekutivit të Unionit Demokratik Ndërkombëtar, kryerepublikani Fatmir Mediu tha se Shqipëria po vuan probleme nga shkeljet kushtetuese, të së drejtës së pronës, të korrupsionit endemik dhe krimit të organizuar.
Por sipas Mediut në vendin me 32 vite demokraci dhunohet opozita e zgjedhjet manipulohen, duke renditur në këtë drejtim dhe vërejtjet e OSBE/ODIHR-it. Mediu tha se edhe opozita ka përgjegjësinë e vet, pasi dogji mandatet dhe bojkotoi zgjedhjet vendore, duke i dhënë dore kryeministrit të ndryshoje politikisht Kushtetutën dhe Kodin zgjedhor.
Mediu kërkoi mbështetjen e partnerëve ndërkombëtare për mbështetje ndaj opozitës. Ai i kërkoi, David McAllister, kryetari i Komisionit të Jashtëm të Parlamentit Europian angazhim për bashkimin e opozitës shqiptare.
McAllister e njohim si europianin që u dërgua të ndërmjetësonte mes opozitës së Lulzim Bashës dhe mazhorancës Rama-Meta pranverën e 2017-ës. Ndërmjetësimi nuk funksionoi derisa demokratët vijuan protestën në çadër para kryeministrisë.
/a.r
