Nëse dihet se cili është fituesi dhe humbësi i këtyre zgjedhjeve, në katet e poshtme të politikës ka një debat lidhur me vendin e partisë së katërt, në bazë të votave të marra. Fatmir Mediu dhe Shpëtim Idrizi kanë replikuar në distancë, se cila nga partitë që drejtojnë ndodhet në vendin e katër pas 21 qërshorit.
“Partia Republikane arriti qe ne keto zgjedhje te kete nje rezultat me te larte se ne zgjedhjet e 2013 duke u renditur forca e katert politike me nje numer mbi 65 këshilltare dhe me përfaqesim ne tërë territorin e Republikes”, ka thënë Mediu.
Por PDIU nuk është dakord. “Siç është bërë e ditur, PDIU u rikonfirmua si parti e katërt në zgjedhjet vendore. Në kuadër të ASHE-së, ne fituam 3 bashki nga 3 ku vendosëm kandidatët tanë të përbashkët dhe u rritem nga 45 mijë në 60 mijë vota. Ne kemi 60 keshilltarë. Kjo do të thotë se ne kemi rritur, mbështetjen elektorale me 35 përqind më shumë se më 2013”.
Një sherr i vogël dhe i parëndësishëm, duhet thënë.
