Mediat serbe vazhdojnë t’i fryjnë zjarrit të luftës në mes Serbisë dhe Kosovës, duke u thirrur madje edhe në burime të shërbimeve informative të NATO-s .
Kryeartikulli në ballinën e gazetës serbe “Informer”, në numrin e së martës, mban titullin: “Putin me ushtri mbron Kosovën”, duke u thirrur në burime nga shërbimet informative të NATO-s, shkruan “Informer”, transmeton Telegrafi.
Sipas kësaj gazete, “spiunët e NATO-s ua kanë tërhequr vërejtjen ekstremistëve shqiptarë se në rast se ata e sulmojnë veriun e Kosovës, Rusia menjëherë do të dërgonte në Serbi 1000 pjesëtarë të njësive speciale, 200 instruktorë, aeroplanë me pilotë, armatim dhe ndihmën tjetër të nevojshme”. (b.an)
