Fillimi i një lufte në Maqedoni duket të jetë me interes për Serbinë. Gazetat kryesore të Beogradit, sot në faqen e parë kanë pasur ngjarjen e ndodhur në Kumanovë. Sipas mediave serbe lufta e vërtetë në Maqedoni do të fillojë më 12 maj (nesër), dhe se ajo po bëhet me mbështetjen e Shteteve të Bashkuara të Amerikës
Gazeta serbe “Kurir” e cila njihet për afërsinë e saj me shërbimin sekret serb (BIA), në faqen e parë të sa shkruan se “Lufta e vërtetë fillon më 12 maj”.
Ndërsa, gazeta tjetër “Informer”, gjithashtu e njohur për afërsinë me pushtetin në Serbi, shkruan se shqiptarët që u përleshën me policinë maqedonase në Kumanovë këtë po e bëjnë me mbështetje të Shteteve të Bashkuara të Amerikës, dhe kjo me qëllim pengimin e projektit rus të gazsjellësit i cili kalon përmes Turqisë, Greqisë, Maqedonisë dhe Serbisë, për të dalë më pas në Evropën Perëndimore.
Kjo gazetë shkon deri aty sa duke cituar burime diplomatike shprehet se zyrtarët e inteligjencës amerikane u kanë dhënë sinjal anëtarëve të UÇK-së për të filluar sulmet.
