Ndërkaq, ish-ministri i Jashtëm shqiptar, eksponent i PD-së, Besnik Mustafaj, ka folur hapur për “skenarin maqedonas” në Shqipëri.
Sputnik citon gazetën ruse Izvestia sipas të cilës Ballkani është kthyer në një “linjë zjarri” mes SHBA dhe Rusisë. Gazeta ruse thekson se “faktori shqiptar është bërë kohënjë instrument i realizimit të interesave amerikane në Ballkan. Prandaj, beteja e Perëndimit për Qeverinë e Maqedonisë synon që shqiptarët të formojnë së bashku me LSDM-së e Zoran Zaevit një pjesë të frontit të plotë anti-rus në Ballkan.
Sputnik thekson se këmbëngulja e Perëndimit te Zaev është përpjekje për të vrarë dy zogj në një goditje, pra të heqë Gruevskin dhe të largojë ndikimin rus në rajon. Por një politiolog nga Shkupi, Branko Gjeorgjevski shkon edhe më larg, kur thotë se janë hedhur shumë para nga Moska tek politikanët e vendeve të Ballkanit në mënyrë që të arrihen të ndërtohen dy gazësjellësat rus: Rryma Turke dhe Rryma e Jugut.
“Më lejoni të kujtoj deklaratën e ish-nënpresidentit amerikan Joseph Biden, i cili tha se linja Ballkani është linja e zjarrit mes Rusisë dhe Perëndimit”, shprehet Gjeorgjevski, duke shtuar se Rusia, si të gjitha fuqitë e mëdha duan të kenë ndikim, siç dëshiron dhe Amerika, dhe se ky konflikt të vërtetë ekziston, thotë ai. Ai shton se Gruevski nuk është i besueshëm për Ballkanin. Dragomir Andjelkoviç, shprehet se Gruevski u bë një kundërshtar i Perëndimit në momentin kur si kryeministri i Maqedonisë ka filluar të bashkëpunojë me Rusinë në projektet e energjisë.
“Kur Gruevski vlerësoi se mundësia më e madhe e mundshme për zhvillimin e Maqedonisë, apo interes strategjik i këtij vendi ishte vendosja e tubacionet në territorin e vendit, Bullgaria u tërhoq nga projekti Rrjedha e Jugut.
Pikërisht kur Gruevski nisi që të përfshihet në gazësjellasët rusë nisi dhe prishja me amerikanët”, tha Andjelkoviç për Sputnik. Ndërkaq, kryetarja e Partisë Demokratike të Serbëve në Maqedoni, Ivana Stoilkoviç shprehet se shqiptarët janë partneri strategjik i SHBA në Ballkan që do të ndikojnë drejtpërdrejt zhvillimet dhe vendimet politike në Maqedoni.
“Nëse ju mendoni se BE-ja insiston se LSDM dhe Zoran Zaev duhet të formojë një qeveri me pothuajse të gjitha partitë shqiptare në Maqedoni, ky është përfundim i qartë se politika maqedonase është duke u vënë nën ndikimin e drejtpërdrejtë të partive politike shqiptare”, thotë Stoilkoviç.
Analisti rus Nikolai Starikov tha se faktori shqiptar është një instrument amerikan për largimin e Rusisë nga Ballkani, por edhe për realizimin e interesave amerikane në rajon.
“Sigurisht shqiptarët të përfitojnë nga kjo, sepse është e pamundur të imagjinohet pavarësia e Kosovës pa mbështetjen e SHBA-së dhe NATO-s”, thotë ai dhe kujton se faktori shqiptar në Maqedoni për herë të parë është përdorur për largimin e Rusisë nga viti 2015, kur mbërriti në Kumanovë një krizë politike pas sulmeve të armatosura dhe përleshjen me policinë maqedonase.
Sipas mendimit të Starikovit, kjo ka ndodhur, ndër të tjera, për shkak se Maqedonia mund të bëhet një vend tranzit përmes të cilit gazi rus do të shkojë në Europë, por Uashingtoni do ta ndalojë.
Ngjarjet e tanishme në Maqedoni mund të interpretohen në këtë kontekst, thotë për Sputnik, Starikov, duke shtuar se faktori shqiptar përdoret për zgjerimin e NATO-s në rajon.
Analisti Aleksandar Paviç thekson se NATO po përdoret për të ndaluar ndërtimin e South Stream apo Rrymë së Jugut në Ballkan.
“Aleati kryesor i Rusisë në këtë projekt është padyshim Hungaria e Viktor Orban që po ndërton edhe hekurudhën Budapest-Selanik, një investim kinez që është natyrisht një rival gjeostrategjik i amerikanëve.
Shqiptarët janë garantues i interesave të globalizimit të Uashingtonit, i cili u përpoq për të sjellë një administratë e re sipas fakti të kryer”, thotë Paviç. /tesheshi.com/ma.me
