Mediat angleze shkruajnë sërish në lidhje me bandat dhe kriminelët shqiptarë që veprojnë në Britaninë e Madhe.
Sipas asaj që shkruan e përditshmja britanike “The Telegraph”, kriminelët shqiptarë tallen me drejtësinë atje. Media në fjalë nënvizon se kriminelët shqiptarë montojnë vjedhje me dhunë dhe bëjnë postime të çuditshme.
“Daily Telegraf” ka arritur të marrë postime në “Instagram” të dy shqiptarëve të quajtur Fabion Kuci dhe Azem Dajci. Ata ndodhen aktualisht në burgun e Uormuood Scrubs për vjedhje të rëndë, gjatë së cilës ata janë kapur edhe me armë e municion.
Ato janë pjesë e një tendence të re shqetësuese ku bandat shqiptare po kryejnë sulme të dhunshme shtëpish në jug-lindje për të vjedhur para dhe stoli.
Kjo media britanike nënvizon se bandat e shqiptarëve sa vjen e po bëhen më të frikshme.
