Deklarata e bërë ditën e sotme nga Kryeministri Edi Rama për t’i vendosur veto Maqedonisë në rast të moszbatimit të plotë të Marrëveshjes së Ohrit, ka marrë jehonë edhe në mediat ndërkombëtare.
Është rrjeti televiziv amerikan ABC News e cila thekson se tashmë veç Greqisë, edhe Shqipëria kthehet në bllokadë për anëtarësimin e Maqedonisë në NATO.
Nëse Greqia e kushtëzon Maqedoninë lidhur me konfliktin e emrit, Shqipëria do ta bllokojë nëse nuk zbaton Marrëveshjen e Ohrit.
Ditën e sotme, Kryeministri Rama në fjalën e tij në Samitin kundër terrorizmit tha se gjatë ngjarjeve të Kumanovës, fjala shqiptar dhe terrorist u bënë bashkë nga ana e palës maqedonase.
“Ne duam një Maqedoni jo vetëm të qendrueshme, por edhe të jetueshme. Pa zbatimin e Marrëveshjes së Ohrit, Maqedonia kurrsesi nuk mund të jetë pjesë e NATO-s”, tha Rama.
