Mediat ruse, konkretisht ‘Sputnik’ në një artikull të publikuar dje shkruan se Sali Berisha mund të përfundojë në Gjykatën Speciale në Kosovë, pasi armatosi UÇK-në.
“Ish Presidenti i Shqipërisë mund të jetë i akuzuar, pasi pranuar se e ka ndihmuar UÇK-në me armatim gjatë luftës.
Berisha mund të dalë përpara një gjykate ndërkombëtare në Kosovë për hetime shtesë për lidhjet me UÇK-në”.
Avokati rus, Borivoje Boroviç shprehet se Berisha mund të akuzohet si bashkëpuntor për terrorizëm.
“Berisha mund të cilësohet si nxitës dhe bashkëpuntor për terrorizëm në Gjykatën Ndërkombëtare në Kosovë, ku do të mund të nisen hetime shtesë për këtë çështje”, ka thënë Boroviç.
Reagimi i mediave ruse erdhi pas deklaratës së Berishës pak kohë më parë se hapi depot ushtarake në 1997 për ta armatosur UÇK-në.
‘Sputnik’ shkruan se në fillimin e vitit 1999 UÇK-ja ka pasur një armatim të madh nga Shqipëria.
