Mediat ruse i japin zemër dhe shpresë opozitës shqiptare: Rama do të japë dorëheqjen dhe do të ketë zgjedhje. Realisht, pak kohe me pare, Kryeministri Edi Rama, në një intervistë për gazetën e njohur britanike “The Telegraph”, shpjegoi rrezikun që i vjen Shqipërisë nga ndikimi rus.
Por ja si e nis shkrimin për Kryeministrin Rama agjencia ruse e lajmeve Ruposters.
Mediat ruse i kanë kushtuar vëmendje intervistës që Kryeministri Rama ka bërë për “The Telegraph”, ku i ka bërë thirrje SHBA-së “mos na lini të biem në duart e rusëve”. “Kryeministri i Shqipërisë, Edi Rama, tha se nëse SHBA injoron rajonin e Ballkanit, mund të çojë në ndikim më të madh të Rusisë”, citon media ruse.
“Deklarata nga Kryeministri Edi Rama, vjen gjatë një krize politike, vetëm pak ditë nga bojkoti i Kuvendit nga ana e opozitës, e cila kërkon një qeveri të përkohshme.
Rama deklaroi vetë se është i gatshëm të japë dorëheqjen vetëm që më pas të udhëheqë kabinetin ndërsa akuzoi opozitën për bllokim të reformave. Zgjedhjet në Shqipëri do të mbahen më 18 qershor”, shkruan “Ruposters”, përgatiti Tema.
