Legalizimi i kanabisit prej kohësh është objekt debati në Shqipëri prej thuajse 1 viti. Por sipas një lobisti amerikan, Shqipëria duhet të legalizojë lëndën narkotike, por vetëm për përdorim mjekësor.
Në vitin 2013, Cary Peterson, lobist në Senatin Amerikan dhe President i “Eurasia-America Development Program” (EADP), kishte filluar që të punonte në rrugë diplomatike me Shqipërinë, në atë kohë e njohur si kryeqyteti europian i kanabisit, për zhvillimin e kësaj droge për qëllime mjekësore, ashtu siç bëhet edhe në territoret e SHBA-së dhe Kubës.
Vitin e kaluar duke biseduar edhe me disa delegatë në Kombet e Bashkuara, Peterson kishte kërkuar një ndërhyrje specifike në vende të ndryshme, për të hequr disa pengesa dhe për të krijuar mundësi të reja të zhvillimit, në agrikulturë dhe turizëm për disa vende të vogla, mes tyre dhe Mikronesia dhe Shqipëria.
Peterson ka rrëfyer se i është dashur një kohë e gjatë për të marrë miratimin e nevojshëm për përbërësit aktiv në kanabisit, duke shtuar nga ana tjetër se miratimi ende është në zhvillim e sipër: “Edukimi vjen i pari, është më i rëndësishëm se shumë aspekte të tjera.”
Në thelb, anëtarët e EADP, ku bëjnë pjesë SHBA-të, OKB-ja, BE-ja, OJQ, dhe qeveri lokale ku bëjnë pjesë edhe Federata e Shteteve të Mikronesisë dhe Shqipëria, do të përfitojnë nga vendimi i marrë 3 korrikun e shkuar dhe do të vazhdojnë procedura.
Duke pranuar legalizimin e “kanabinolo”, përbërësin jo psiko-aktiv të kanabisit, Peteson ka rrëfyer: Kjo është një mundësi e madhe për SHBA-të, Micronesinë, Shqipërinë dhe gjithë botën mbarë. Shtetet e Federatës së Micronesisë do të jenë të parët që do të legalizojnë “kanabinolo” dhe më pas vendet e tjera.
