Hasna Aitboulahcen, vajza 26 vjeçare, që u raportua për ditë me rradhë si kamikazja që hodhi veten në erë gjatë sulmit të forcave speciale franceze në St Denis, nuk ka shpërthyer veten. Të paktën këtë raporton media franceze iTele, e cila i referohet disa burimeve të saj në polici.
Sipas medias në fjalë, ditën e mërkurë në St Denis kamikazi ishte një mashkull dhe jo 26 vjeçarja Hasna. iTele saktëson se terroristi kamikaz, duke qenë pranë vajzës, kur ka shpërthyer veten ka vrarë dhe femrën, e cilësuar për disa ditë me rradhë dhe si kamikazja e parë në Europë. Pjesë të trupit të 26 vjeçares, pas shpërthimit, kanë rënë nga dritarja e apartamentit ku po kryej dhe sulmi, drejt një makine policie, e cila ndodhej poshtë pallatit ku ndodhi “lufta”.
Sipas të njëjtave burime Hasna Aitboulahcen kishte bërtitur disa herë “ndihmë” drejt policise përpara se shpërthimi, nga kamikazi mashkull, t’i merte jetën.
Ndërkohë që, në agjensinë e lajmeve britanike BBC, një tjetër dëshmi, e njërit prej oficerëve specialë që kishin marrë pjesë në sulme, tregoi se 26 vjeçarja kishte kërkuar t’i manipulonte komandot në mënyrë që ti me shpërthimin e saj të merte dhe jetën e oficerëve.
