Disa muaj pas raporteve se Hillary Clinton ka kërkuar divorcin nga bashkëshorti i saj, ish-Presidenti Bill Clinton, të tjera detaje janë zbuluar për ish-çiftin presidencial.
Burimet e afërta pranë tyre janë shprehur se Bill dhe Hillary ka dy muaj që nuk flasin me njëri-tjetrin.
Por kësaj radhe shkak është bërë libri i fundit që Hillary shkroi pas zgjedhjeve presidenciale.
Mësohet se Bill nuk ka qenë dakord me titullin e zgjedhur nga bashkëshortja e tij, dhe ka flakur në plehra dorëshkrimin. Hillary ka refuzuar të dëgjojë sugjerimet e bashkëshortit për librin, ndërsa ky i fundit është acaruar prej kokëfortësisë së saj.“Nuk mund ta titullosh librin tënd “Çfarë ndodhi”. Ti e di se çfarë ndodhi. Humbe. Ky është një titull prej gruaje të llastuar, nuk i përket dikujt që donte të bëhej liderja e parë femër në botë”.
Gazeta amerikane “New York Post” shkruan se çifti po kalon një periudhë të vështirë.
Muaj më parë “USA News Today” raportoi se avokati i Hillary-t, dorëzoi dosjen e divorcit, në Gjykatën Supreme të Shtetit të New York-ut.
Madje, aludohet çifti ka rënë dakord mbi një marrëveshje për ndarjen dhe mbi kushtet se si do të menaxhohet pasuria martesore.
Hillary dhe Bill janë martuar më 11 tetor të 1975-ës në Arkansas, ku ishin prezent edhe 15 miqtë e tyre më të afërt.
Martesa e tyre ka qenë një mister për vite të tëra, pasi jo rrallë janë bërë publike tradhtitë dhe skandalet seksuale të Bill Clinton-it dhe jetës së tij të dyfishtë.Megjithatë, asnjë koment zyrtar nuk ka ardhur nga Clinton-ët mbi këto raporte të detajuara, përgatiti Express. (b.an)
