Në emisionin ‘3D të Alban Dudushit’ në RTSH, temë qendrore ka qenë ardhja të mërkurën e presidentit të Ukrainës, Vladimir Zelenski në Tiranë. Artur Meçollari, ish-ushtarak i lartë i FA-së, deklaroi se kjo vizitë ka rëndësi të veçantë dhe një sfidë edhe për forcat e sigurisë, sepse vjen personi më i kërkuar në botë për t’u eliminuar
“Kushdo që do të ishte në pushtet do ta shfrytëzonte këtë vizitë për të bërë një figurë sa më të mirë. Do mirë edhe për Shqipërinë, sepse të gjitha mediat ndërkombëtare do të kenë në fokus këtë vizitë. Kjo është një gjë e mirë. Është vlerësim edhe për Shqipërinë sepse për Zelenskin. Nesër (të mërkurën) vjen në Tiranë personi më i kërkuar në botë që duan ta vrasin. Suksesi i masave të sigurisë është sukses edhe i vendit. Zelenski ka filluar një tur në mbarë botën. Kemi ndryshim të klimës diplomatike. Kemi rikthim të vëmendjes te Ukraina.”, tha Meçollari.
Ish-komandanti i Flotës Detare Artur Meçollari tha se roli i Shqipërisë në këtë samit është protagonist në mbledhjen e tij apo edhe në organizim.
“Roli i Shqipërisë del qartë në këtë histori, në këtë samit pasi ka një rol protagonist në mbledhjen e saj dhe në organizimin e samitit, kuptohet që çdo njeri që do të ishte në qeverisje do ta shfrytëzonte për vendin e tij dhe nuk ka asgjë të keqe”, u shpreh Artur Meçollari.
/f.s
