Nesti Sotiri, rreth 60 vjeç, mbeti i vdekur mbrëmjen e kaluar si pasojë e goditjes me thikë nga fqinji i tij Velo Hazisllari, i cili ka mbetur po ashtu i plagosur dhe ndodhet në spital.
Sherri mes tyre ka nisur për motive të dobëta, teksa të dy kanë goditur njeri-tjetrin dhe janë dëmtuar me mjete prerës.
Vëllai i autorit të krimit është shprehur se ngjarjen e ka mësuar përmes televizionit. Ai tha se kishte ardhur me pushime dhe se vetëm një ditë më parë e kishte parë të vëllanë.
“Çfarë të të them, jam i tronditur. Të vritesh për këto gjëra. Më vjen turp. Unë erdha me pushime dhe ndodhi kjo që ndodhi. Në vitet që kam qenë unë, ata të dy kanë qenë miq e kanë pasur raporte shumë të mira me njëri-tjetrin”, thotë ai.
Edhe fqinjët flasin për dy persona që kanë pasur raporte të mirë dhe nuk njiheshin për konflikte të mëparshme, ndërsa shprehen të tronditur për rastin.
Grupi hetimor po punon për zbardhjen e rrethanave të ngjarjes.
/a.r
