Të tjera deklarata tronditëse vijnë nga Johnny Depp dhe Amber Heard. Teksa diskutoi mbi ndryshimin e marrëdhënies së tij me Heard, ylli i Hollywood e akuzoi atë për komente nënçmuese që janë përshkallëzuar në debate.
“Nuk më lejuan të kisha të drejtë, nuk më lejuan të ngrija zërin”, tha Depp. Një debat mes ish-çiftit në vitin 2015 përfundoi me Depp që preu gishtin dhe sipas aktorit Heard e goditi me një shishe me vodka. “Ajo hodhi shishen drejt meje dhe më preu majën e gishtit. Nuk e di se si janë krizat nervore. Por kjo ishte diçka e ngjashme.”
I pyetur se pse ai qëndroi me Heard pasi marrëdhënia e tyre u përkeqësua, aktori tha: “Doja të përpiqesha ta bëja lidhjen tonë të funksiononte. Heard më kishte kërcënuar me vetëvrasje në disa raste, kështu që kjo gjithashtu u bë një faktor.” -tha Depp.
Sakaq, në një video të re të paraqitur nga juristët është zbuluar se gjatë një përplasjeje, Heard pranon se e ka goditur aktorin por thotë se nuk e lëndoi teksa e konsideron atë ‘fëmijë’: “Nuk të godita me grusht. Më vjen keq që nuk të godita në fytyrë me një shuplakë… por po të godisja. Zemër, nuk je goditur me grusht, nuk të lëndova. Je një fëmijë, rritu Johnny.”- thotë ajo në regjistrimet e reja.
Johnny Depp bëri një deklaratë tronditëse në seancën e fundit duke thënë se ish-gruaja e tij e kishte kërcënuar se do të vriste veten kur ai përpiqej të linte mënjanë zënkat e tyre. Ai tha se Amber e ka kërcënuar se do vriste veten. Johnny shpjegoi se kur ata kishin zënka të mëdha- të cilat ai këmbëngul se i nxiste Amber dhe jo anasjelltas- ai shpesh vendoste të largohej nga këto situata toksike që mund t’i shkaktonin asaj kriza nervore.
Ai madje shkoi larg duke e quajtur Amber ‘histerike’, duke thënë se kërcënime e saj për vetëvrasje vërtetojnë se ajo nuk mund të “jetonte pa të”. Më tej në dëshminë e tij tha se ish-bashkëshortja pa ndarjes i shkonte jashtë shtëpisë dhe bërtiste.
Aktori i “Pirates of the Caribbean” ka paditur Heard-in për 50 milionë dollarë për një intervistë të dhënë në “Washington Post” në vitin 2018, ku ajo shkruante për përvojën e saj si një “figurë publike që përfaqëson abuzimin në familje”. Amber nuk e përmendi me emër ish-bashkëshortin apo ndonjë autor tjetër të dyshuar, por sipas ankesës së Depp-it, ajo ka dëmtuar karrierën dhe reputacionin e tij.
g.kosovari
