Policia franceze ka arrestuar sot kryetarin e Aleancës për Ardhmërinë e Kosovës, Ramush Haradinaj.
Ai është arrestuar në bazë të një urdhërarresti ndërkombëtar të lëshuar nga Serbia.
Haradinaj ndodhet në ndalim në një burg në Francë, ndërkohë që autoritetet franceze kanë njoftuar ato kosovare për arrestimin e tij.
Arrestimin e tij e ka konfirmuar për RTK-në familja e Haradinajt.
Edhe nënkryetari i AAK-së, Ahmet Isufi ka konfirmuar se Haradinaj është ndaluar në Francë. Ai nuk ka dhënë detaje më shumë, por ka thënë se është një keqkuptim.
Sipas tij, ai është ndalur pas një fletë-arresti të lëshuar nga Serbia. Isufi nuk ka thënë se kur do të lirohet saktësisht Haradinajt, por shpreson se kjo do të bëhet sa më shpejt.
Haradinaj më herët ishte arrestuar edhe në Slloveni.
