“Bjellorusia do të jetë gjithmonë pranë Putin dhe Rusisë, pavarësisht se si do të shkojë situata.”
Kështu është shprehur Presidenti i Bjellorusisë, Aleksandër Lukashenko, pas takimit që pati me Presidentin e Rusisë Vladimir Putin në Blagoveshchensk, në Rusinë lindore.
Lajmi është bërë i ditur nga “La Repubblica”.
“Ju gjithmonë mund të mbështeteni te bjellorusët, duhet ta dini se, në çdo rrethanë, rusët duhet të ndihen të sigurt se ne do të jemi gjithmonë pranë tyre, pavarësisht se çfarë do të ndodhë.
Ne jemi një atdhe, edhe pse jetojmë në shtete të ndryshme. Ndryshe nga disa republika, ne kemi qëndruar së bashku. Dhe jemi të vendosur të forcojmë unitetin tonë”, përfundoi Lukashenko.
Kujtojmë se ditën e sotme Bjellorusia ka shprehur mbështetjen e hapur ndaj Rusisë, duke aprovuar kështu edhe agresionin rus në Ukrainë, edhe pse Bjellorusia kurrë nuk kishte dalë hapur kundër Rusisë dhe nuk është bërë pjesë e paketës së sanksioneve të vendosura thuajse nga të gjitha vendet e botës./m.j
