Vergjinushja është një nënë 76-vjeçare, e vuajtur, e ofenduar dhe e dhunuar nga djali i madh dhe nusja e tij. Ajo gjendet përballë djalit të vogël, Albertit në “Shihemi në Gjyq” nga “E Diela Shqiptare” në Tv Klan, i cili i kërkon me ngulm që të ndahen të dy nga ajo shtëpi.
Vergjinushja jeton prej 22 vitesh me djalin e madh, nusen dhe dy fëmijët e tyre, ndërsa prej pak kohësh ka humbur bashkëshortin. Familja ushqehet me pensionin e saj, por nga ana tjetër, nuk kanë reshtur kurrë ofendimet e dhuna ndaj saj, me fjalët më të rënda. Fyerjet i ka përjetuar edhe Alberti, i cili thotë se vëllai e kunata e quajnë “vajzë”.
Albert: Unë jam beqar! Për shkak të tyre, unë nuk martohem sot se mua më del vëllai, më del tjetri, më del kunata në mes të rrugës, ofendon. Del vëllai në lokal, më ofendon.
Eni Çobani: Po pse?
Albert: Më ofendon, je budalla! Je çupë!
Eni Çobani: Çfarë të thotë mo?
Albert: Je çupë!
Eni Çobani: Çupë ty? Po pse?
Albert: Po, më thotë kunata!
Eni Çobani: Po pse je çupë ti?
Albert: Nuk e di. Mua më vjen zor kur dal në Pogradec se mua më pikëllon atje ku shkon më keq.
Eni Çobani: Po kjo qenka shumë e rëndë Vergjinush!
Vergjinush: E rëndë është edhe për mua që më thotë nusja në sy të djalit, më thotë gomaricë që mua më ka bërë një baba dhe nuk më ka bërë…. ose le të më gjejë burrë mua që jam k**vë! 76 vjeçe!
Albert: Unë ndihem i kërcënuar në Pogradec!
Vergjinush: Unë, më erdhi djali… prit ore Berti, të lutem!
Albert: Jo mama, nuk dua! Dua të japësh drejtësi!
Alberti thotë se nëse ai e nëna nuk jetojnë veçmas tyre, nuk i përjashton disa skenare të mundshme që mund t’i ndodhin atij kur ajo të ndërrojë jetë. Sipas tij, kunata dhe mbesa mund të inskenojnë sikur ai i ka sulmuar apo që të jetë provokuar dhe të mos ketë reaguar.
Albert: Edhe atë e pres nesër, që po të vdesë kjo nënë, prandaj nuk dua të më lërë, prej atyre dy zonjave që kam në shtëpi, nusen e mbesën, pres nesër budallallëkun tjetër! Përderisa thua që është çupë, nesër pres një gjë tjetër se sot nuk është e kollajshme. Sot unë jam vetë atje, nesër të vdeesë kjo copë nënë, gris fanellën nusja dhe thotë erdhi kunati apo xhaxhi, unë nuk i përballoj dot ato gjëra se mua më vjen turp të dal nesër para publikut apo Pogradecit atje. Unë, me këtë fjalë që tha ai sot, je çupë, unë nuk bëhem dot me shoqërinë.
Eni Çobani: Kjo qenka shumë e rëndë!
Albert: Nuk piqem se sot, edhe këto që fola në publik, sot thonë, mua më vete mendja, që ky miku… ka vajtur me të pa e ka nxjerrë çupë ajo!
Eni Çobani: E kuptoj, është e rëndë, sikur ajo ka tentuar me ju dhe ju s’keni mundur.
Albert: Po!
