Detaje të reja kanë dalë në pah nga vrasja e efektivit të policisë Çaush Saliasi nga kolegu i tij, Ludian Zaimi.
Një ndër efektivët që ishte në komisariat ka treguar gjatë dëshmisë për AMP (Agjencia e Mbikëqyrjes Policore) se Saliasi ka qenë duke drejtuar një cigare kur Zaimi i ka drejtuar armën duke i thënë “Tani do sqarohemi bashkë”. Sipas efektivit, në këtë moment Saliasi është ngritur dhe ka tentuar të hyjë brenda zyrës, por Zaimi ka nisur ta qëllojë, duke e lënë të plagosur rëndë. Pasi ai ra në tokë, Zaimi e qëlloi dhe disa herë të tjera.
“Kur ndodhi ngjarja unë kam qenë në pjesën e oborrit të komisariatit. Në ato momente Çaush Saliasi ishte te shkallët dhe ishte duke dredhur një cigare. I fola Çaushit dhe u përshëndetëm me njëri-tjetrin. Në këtë çast Ludjan Zaimi doli nga klasa dhe erdhi pas meje dhe unë e pyes si je dhe pse je i mërzitur?
Më tha: Nuk kam asgjë, por hapu dhe shtyhu pak pas. Unë i them pse, por ai ngul këmbë dhe më thotë sërish, shtyhu pas shtyhu. Në atë moment ai nxjerr armën e shërbimit dhe i them çfarë po bën kështu, por ai nuk u kthye dhe u drejtua me armën në dorë drejt Çaush Saliasit dhe i thotë këtij të fundit
“Tani do të sqarohemi bashkë”. Menjëherë Çaush Saliasi u ngrit në këmbë dhe u fut te klasa qe t’i shmangej, por Ludian Zaimi e qëlloi me armën e shërbimit, edhe pse Çaushi ra në tokë, Ludiani e qëlloi sërish dhe herë të tjera”, përfundon dëshminë polici me iniciale K.Q./m.j
