Droni edukues ka vëzhguar shoferët në rrugët e Tiranës që nuk lejojnë këmbësorët të kalojnë te vijat e bardha.
Në pamjet e shpërndara nga policia duket momenti kur automjetet injorojnë vijat e bardha duke vazhduar të ecin lirshëm, ndërsa i kalojnë fare pranë këmbësorëve.
Më tutje qëndron një patrullë policie që ndalon shkelësit duke i gjobitur ata.
Njoftimi i policisë
Një ndër objektivat e “Dronit edukues” është rritja e sigurisë rrugore nëpërmjet kontrollit të sjelljes së përdoruesve të rrugës, në respektimin e rregullave të qarkullimit rrugor.
Drejtuesit e mjeteve që shfaqen në këtë video nuk respektojnë përparësinë e këmbësorëve në vizat e bardha, shkelje e cila ndëshkohet me masë administrative, sipas nenit 189 të Kodit Rrugor.
Ec i sigurtë, respekto rregullat e qarkullimit rrugor!
g.kosovari
