Një foto e cila ka tronditur politikën por dhe opinionin publik qarkullon së fundmi gjithandej në Finlandë.
Sipas mediave të huaja bëhet me dije se në foto është lideri i partisë së re më të madhe opozitare në Finlandë duke pozuar me miqtë, teksa po bëjnë përshëndetje naziste.
Antti Lindtman, lideri i ri i Partisë Social Demokrate Finlandeze (SDP), shihet në fotografi me katër miq në një festë Krishtlindjesh.
Ndërkohë që gjithë personazhet që gjenden në foto janë nudo, vetë Lindtman shihet duke mbajtur një pistoletë false, me një kapuç teksa ai vetë nuk po bën përshëndetjen naziste.
Megjithatë, fotoja ka mjaftuar që të vihet në dyshim nëse Lindtman është i duhuri për postin e rëndësishëm politik.
Imazhi për herë të parë filloi të qarkullonte në internet pak javë më parë, dhe është rikthyer përsëri pasi Lindtman fitoi udhëheqjen e SPD.
Vetë Lindtman ka pranuar se fotografia është e vërtetë, ndërsa përpiqet të distancohet prej saj, duke këmbëngulur se ai nuk është dhe nuk ka qenë kurrë një simpatizant i nazistëve.
“Edhe pse fotot janë nga rinia ime, unë nuk jam shumë krenar për to”, tha ai për mediat finlandeze.
“Duket se djemtë e tepruan me pozat e tyre… Unë nuk kam qenë dhe nuk jam një simpatizant i nazistëve. As atëherë dhe as tani.”- përfundoi ai./m.j
