Më rreh dhe më tradhëton gruaja, s’e ndaj prej fëmijëve
Mbiemrin e ka Trimi, por historia që tregon ka pak të bëjë me mbiemrin e tij. Niko Trimi, 36 vjeç nga Lushnja, bën një denoncim që e kanë bërë dhe të tjerë bashkëshortë këto vite. Ata ankohen se dhunohen nga gratë e tyre.
Niko Trimi banon në Stan të Lushnjes dhe historia e tij është paksa më e komplikuar se ajo e një burri të dhunuar nga bashkëshortja. Ai thotë gjithashtu se e ka kapur disa herë gruan duke e tradhëtuar, me mesazhe në Facebook etj. Ai thotë se ajo ka vjedhur sende nga shtëpia dhe se është munduar të ikë disa herë. Trimi thotë se e ka falur të shoqen për hir të tre vajzave të vogla që çifti ka. Një histori si shumë të tjera në këtë vend gjithnjë e më të çuditshëm.
